A sublevación fascista do 36 afirmou o caráccter popular no que estaba asentado a república, xa que foron as masas, o pobo en armas, as forzas capaces de respaldar ao poder, mulleres e homes saíron á rúa a ocupar o seu posto, dándose por completo á loita contra o fascismo. Pero que Franco gañara a guerra e que logo existira un desarme ideolóxico do pobo, non evitou a resistencia, unha loita do réxime fascista que continúa ata os nosos días, a pesar da brutal represión do estado terrorista no que vivimos.
No estado español non houbo unha “reconciliación nacional”, a solución que nos trouxo a transición, á Guerra Civil e a 40 anos de ditadura, foi o esquecemento do horror bélico, da represión e dos miles de asasinatos, para así non poder facer xustiza cos culpables.
Setenta e oito anos despois, o fascismo segue instalado no poder xudicial, no poder gubernamental, no exército e nos corpos de represión, traducíndose isto en que cada vez que a clase traballadora participa en protestas recibe palizas por parte dos UIP, os grises azuis, e onde calquera que teña intención de reivindicar os nosos dereitos é tachado de terrorista.
Por iso, dende Xeira reclamamos unhas liberdades políticas plenas, incluíndo isto o dereito a escoller a Xefatura do Estado, a Independencia e a Amnistía de tod@s as pres@s políticas do Estado español. Seguiremos loitando ata acadalas, así como continuaremos a resistencia contra o fascismo, porque somos @s net@s das revolucionari@s que non puideron matar e a mellor homenaxe ás caídas é seguir na loita.
ANTIFASCISTAS SEMPRE.