Mas o grave do assunto nom é o mal-gasto de fundos públicos, senom o modus operandi de realizar o simulacro, representaçom de umha pequena obra teatral com um guiom racista para tentar assim monstrar a agilidade e a rapidez com a que os policias locais respostam no "combate à delinqüência". Na simulaçom realizada polos agentes de segurança locais, aparecia umha pessoa com sotaque cigano que tenta roubar um carro na rua, sendo parado, identificado e detido polos agentes. Este ato é umha mostra mais das atitudes racistas inoculadas neste corpo policial, fazendo burla e menospreciando a umha étnia, catalogando-a de ladrons, vagos, maleantes e mentireiros.

No passado mês de março, a Assembleia Comarcal de NÓS-UP de Vigo denunciou a liberdade de expressom e atitude intimidatoria e machista dos agentes locais da cidade. Esta semana volta-se  repetir outro repudiável episódio de violaçom das liberdades fundamentais, mas esta vez, de maneira premeditada e diante de um milhar de nen@s tentando fomentar a discriminaçom étnica.

Da Assembleia Comarcal de NÓS-UP queremos denunciar a atitude da policia local assim como exigir a imediata demissom de Carlos López Font, Concelheiro de segurança e tránsito, e umha imediata retificaçom pública face o povo cigano.

Foto: Nós-UP