"Histórico". Assim qualificam desde a "Associaçom Galega de Futebol Gaélico" o anúncio que acabárom de fazer, segundo o qual as seleçons galegas oficiais -tanto a masculina como a feminina- desta modalidade disputarám, com pleno reconhecimento, o primeiro Mundial que decorre, organizado pola GAA, em Abu Dhabi, de 5 a 8 de março de 2015.

Desde a Asociación pedem, assim mesmo, ajuda -sobre todo institucional- para organizar o custoso deslocamento e estância para umhas equipas que som completamente amateurs. Mas estaram na cita, que qualificam de "grande escaparate e e acontecimento mundial, no que afirmar que é a primeira participaçom oficial dumha selecçom oficial galega num Campeonato do Mundo.

Em masculino, Galiza ficará enquadrada no grupo da Argentina, África do Sul e o Golfo Pérsico e, a falta de confirmaçom, também Itália, França e Índia. Na categoria feminina haverá um só grupo. A seleçom nacional de futebol gaélico já tem disputado encontros internacionais contra a Bretanha e a Irlanda, berço deste desporto.