Foto: Concentraçom na praça da Galiza, em Compostela.
A capital da Galiza juntou nesta sexta-feira umhas duascentas pessoas na convocatória de urgência realizada pola entidade internacionalista Mar de Lumes, para denunciar a impunidade com que o sionismo está a agredir a Faixa de Gaza e assassinar a sua populaçom.
Também Lugo e Corunha tivérom concentraçons ontem, mas a de Compostela foi a mais numerosa, contando com bandeiras da Palestina e da Galiza, assim como faixas denunciando os crimes do Estado de Israel.
Um palestiniano tomou a palavra para agradecer a solidariedade galega e reclamar a intervençom da chamada "comunidade internacional" para deter a ofensiva militar sionista contra o seu povo.
Na concentraçom participárom ativistas da esquerda social, política e sindical compostelana, que na próxima segunda-feira às 20 horas voltarám a sair às ruas numha manifestaçom de apoio aos direitos nacionais palestinianos e contra o imperialismo sionista.