Galiza - CIG - Arredor de um cento de trabalhadoras/es e delegadas/os sindicais de Unísono secundárom hoje as paralisaçons e as concentraçons de protesto convocadas polo comité para exigir a readmissom das companheiras despedidas e denunciar os abusos e o assédio por parte da empresa de telemárketing com sede em Vigo. Da CIG rejeitam a implantaçom de um novo sistema de seguimento porque entendem que suporá novas rescisons de contrato.
Os protestos diante de Unísono, na Gram Via de Vigo, desenvolvérom-se de 12.00 a 13.00 horas, coincidindo com a paralisaçom convocada na empresa para reclamar a readmissom de duas empregadas que fôrom despedidas por denunciarem assédio laboral de umha superiora. À tarde terám continuidade entre as 16.00 e as 17.00 horas.
O comité convocou novas mobilizaçons para exigir a reincorporaçom das trabalhadoras e para denunciar a política de abusos e repressom. Ao mesmo tempo, da CIG assinalárom que a implantaçom de um sistema de seguimento das campanhas implicará mais despedimentos.
Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.