A farsa eleitoral burguesa está mais umha vez em funcionamento na Galiza. Aos habituais partidos da oligarquia política galega somam-se neste 21-O novos nomes (que nom novos rostos). Todos e todas elas destacam-se por descumprir as suas 'promessas' e por legitimar com o voto toda classe de roubos, insultos e agressons -mesmo físicas, como estamos a ver nos últimos tempos.

Porém, dentre essas práticas, talvez a mais popular (e talvez nom a mais grave) na Galiza seja a afamada e muito espalhada 'carretagem de votos', isso é: a prática pola qual vereadores, representantes de um determinado partido político colocam na mao de votantes (nomeadamente idosas/os) a papeleta do seu grupo e levam essa pessoa a votar.

Umha iniciativa está em andamento sob o nome #stopcaciques para denunciar essa prática no vindouro 21-O. A ideia da plataforma, cujo site pode ser visitado aqui, é que pessoas que voluntariamente queiram colaborar o fagam como observadores/as, principalmente no rural, para testemunhar e denunciar as eventuais carretagens de votos. Desde a plataforma atribuem a carretagem sobretodo "a um partido em concreto".

Sendo públicas e conhecidas as práticas do partido ao que se referem, nom se deve esquecer a utilizaçom dos meios de comunicaçom e de todos os resortes empresariais à sua disposiçom polas outras entidades da política ordeira, com os quais desempenham o seu papel na 'festa' da democracia burguesa, como eles e elas chamam a introduzir um papel numha caixa a cada quatro anos.

Fonte do vídeo: #stopcaciques