Nom contou com nenhuma subvençom, esta financiado integramente por os dous membros responsáveis do projecto e realizado com o esforço nom remunerado de toda a equipa. Todo o software empregado em todo o processo de criaçom é software livre (GNU-Linux,Libre Office, Kdenlive, Inkscape, Audacity, Gimp, etc.)
A gravaçom abrange desde as saídas dos merdeiros no entruido de 2011 até o verao de 2012. Entrevistamos ás principais pessoas responsáveis da recuperaçom: ao desenhador da máscara Pancho Lapeña, ao autor do livro "O Merdeiro, un persoaxe do entroido vigués" Xerado F. Santomé, e ás mulheres e homens que participam das saídas desta figura e da organizaçom e planificaçom das mesmas.
Licenciara-se em Creative Commons de jeito que qualquer pessoa que o deseje poda descarga-lo, empresta-lo ou visiona-lo. Esta é a filosofia da equipa: a difusom, de umha cultura que nos é própria e o registo do esforço de muita gente por recuperar parte da nossa memória. Nom tem interesse comercial nenhum.