1 1 1 1 1 1 1 1 1 1 (2 Votos)

torturaarteculturaGaliza - Diário Liberdade - Governo municipal corunhês lança concurso público para o evento do ano próximo.


O Partido Popular da Corunha, que a cada vez que pode tenta eliminar qualquer parecido entre essa cidade e a Galiza, promove, mais um ano, um espectáculo terrível e, aliás, maciçamente rejeitado pola sociedade corunhesa. Assim, o perfil do contratante do governo municipal publica mais umha vez o caderno de condiçons para a exploraçom da chamada 'Feira' taurina da Corunha, o eufemismo para um evento para além da psicopatia em que um animal é humilhado e torturado até a morte.

Na nova licitaçom, a Cámara Municipal dirigida polo ultranacionalista espanhol Carlos Negreira mesmo reduziu a taxa a pagar pola empresa organizadora deste espectáculo da morte e o terror, dos 2.500 € do ano passado para os 1.000 € deste ano.

Essa reduçom responde a umha verdade simples e esmagadora: a feira taurina é umha ruina de negócio que só através de facilidades pagadas dos petos das corunhesas e corunheses se pode manter, com o único intuito, aliás, de impor umha 'tradiçom' bárbara e representante de umha cultura estrangeira.

Para BNG da Corunha é aberraçom moral...

O BNG da Corunha insistiu em comunicado enviado para o Diário Liberdade em reivindicar a suspensom do espectáculo, que classificou de "aberraçom moral". Nom aceitarám "nem 1 euro nem 1000", pois consideram que Negreira deveria "luitar contra o desemprego com a veemência que tem para organizar touradas na cidade".

... para BNG de Ponte Vedra nem tanto

Felizmente, graças ao BNG também podemos deduzir que a força laboral de Ponte Vedra desfruta de pleno emprego.

Só assim se podem interpretar as palavras do partido na Corunha sabendo o financiamento que a Cámara Municipal dirigida polo nacionalista (alegadamente galego) Lores outorga ao empresário que organiza as touradas em Ponte Vedra. Faz, isso sim, abençoado polo responsável de sensibilizaçom ambiental, quem avaliza 'la fiesta' com sua pertença a um grupo taurino.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.