1 1 1 1 1 1 1 1 1 1 (0 Votos)

DSCF0872Galiza - Diário Liberdade - Mais um ano a reivindicaçom do fecho de ENCE e ELNOSA, empresas contaminantes sediadas na enseada de Louriçám, na Ria de Ponte Vedra, saiu às ruas para fazer-se patente na Marcha convocada pola Associaçom Pola Defesa da Ria.


 

A Marcha partiu das alamedas de Ponte Vedra e Marim, como é habitual, e finalizou diante da fábrica de ENCE (protegida pola polícia espanhola), como também é tradicional. Centenares de pessoas (a pé ou em bicicleta) e dúzias de entidades locais e nacionais respondérom à convocatória da APDR em defesa do ambiente, da saúde e de umha outra economia para a zona.

Assim, houvo representaçom de organizaçons ecologistas, culturais, políticas ou sindicais e também de instituiçons como a Cámara Municipal de Ponte Vedra. Destacou a presença de coletivos em defesa do território que estám a desenvolver luitas destacadas nos últimos meses, como SOS Panadeira de Sam Genjo ou Salvemos a Fracha de Ponte Vedra. Também a das confrarias de Louriçám, Rajó e Sam Telmo, ou da Organizaçom Galega de Comunidades de Montes em Mao Comum.

Umha vez concentradas as duas marchas diante da celulose, foi o tempo dos discursos. Pola organizaçom convocante falárom o seu presidente, Antón Masa, e a sua secretária, Antia Marinho. Ambos insistírom na necessidade de manter a mobilizaçom social para atingir a desapariçom de ENCE e ELNOSA da Ria de Ponte Vedra e evitar as prórrogas derivadas da Lei de Costas reformada polo governo espanhol do PP, denunciando a conivência entre as empresas e os governos em maos deste partido. Umha proximidade que, segundo explicou Masa, pode ser mesmo de vínculos diretos entre membros da direçom da fábrica e da Junta da Galiza.

Pola sua parte, Antia Marinho destacou que “o caminho pola recuperaçom da Ria, nom tem volta atrás e, hoje mais que nunca, por dignidade, vamos amosar a nossa rebeldia na defesa do que sabemos justo”, para evitar “a destruiçom da Ria e a privatizaçom e usurpaçom de um espaço público”.

 

DSCF0916

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.