Um grupo de 15 ativistas entrava na delegaçom territorial da conselharia de Meio Ambiente com umha faixa onde se podia ler a legenda "Nom às prórrogas a ENCE e ELNOSA. Fora da ria, já!". A representaçom da Plataforma 2018 pretendia conseguir umha reuniom com o chefe territorial de Meio Ambiente, José Luis Díaz Yáñez, para expressar o rejeitamento tanto à ao recente acordo entre o governo autonómico do PP e ELNOSA, que consegue umha ampliaçom da sua Autorizaçom Ambiental Integrada até finais de 2016 (a anterior, e na teoria definitiva, finalizava em janeiro de 2014), como à possibilidade de que a empresa de pasta de papel ENCE poda obter umha nova concessom que lhe permita continuar a poluir a ria de Ponte Vedra após 2018 (atualmente a direçom de ENCE pretende umha ampliaçom por 75 anos mais).
Ante a ausência do representante da Junta da Galiza as e os membros da plataforma continuárom com o protesto nas instalaçons administrativas até conseguirem a confirmaçom de umha reuniom na segunda-feira próxima.
A manifestaçom convocada este sábado pola Plataforma 2018, configurada por até 32 organizaçons de diversa índole, sairá às 19:30h da praça da Ferraria.