De maneira urgente e imediata após a também "urgente" sentença inquisitorial do Tribunal Constitucional espanhol, o independentismo e o nacionalismo galego saírom a ocupar praças de Compostela, Corunha, Vigo, Ferrol, Ponte Vedra, Ourense, Burela, Lugo e Ponte Areias.
A maior concentraçom aconteceu na capital galega, com participaçom também de representantes da comunidade catalá no nosso país. Bandeiras da Galiza e da Catalunha dérom cor às diferentes concentraçons, que coincidírom em reclamar respeito para o direito de autodeterminaçom catalá, reivindicando em simultáneo um processo soberanista galego que conduza igualmente à independência.
Palavras de ordem solidárias, denúncia contra a falsa divisom de poderes espanhola e todo o apoio à convocatória de consulta para o 9 de novembro, esses fôrom os principais ingredientes da jornada de apoio simbólico da Galiza ao povoca catalám, no mesmo dia em que umha multitude saiu às ruas do Principat para denunciar a posiçom antidemocrática do governo e do Tribunal Constitucional espanhol.
Foto 1: Concentraçom hoje em Ferrol @LaraSotoGz - Foto 2: Compostela @NOSGALIZA