Com este vídeo Galiza pola Soberania soma-se às diversas iniciativas impulsionadas nos últimos dias na Galiza para contestar a campanha espanholista do regime, que está a utilizar a participaçom da seleçom espanhola na Copa do Mundo do Brasil para tentar desviar a atençom dos problemas reais do povo e fomentar a identificaçom com Espanha nas naçons sem Estado, todo no meio de um processo de sucessom monárquica emarcado numha forte crise de legitimidade do regime pós-franquista.

Com efeito, o vídeo apresentado pola entidade soberanista chama à reflexom sobre qual é a situaçom real da maioria trabalhadora da naçom galega e sobre quais som os interesses e valores que o regime da oligarquia espanhola pretende fomentar com esta campanha de identificaçom simbólica com a seleçom de futebol e com o seu projeto nacional. Uns interesses antitéticos com os do povo trabalhador galego.