O Sindicato Unificado da Polícia (SUP), incoerentemente aos seus "princípios", estivo nas manifestaçons de passado dia 19 de julho na Galiza: agora que vem perigar parte do seu salário juntam-se às manifestaçons nas que até agora costumavam deter e espancar.

Mas mesmo assim, nom pudérom ocultar a sua natureza e, enquanto era cantado o Hino Galego, os e as manifestantes do SUP assobiárom em  sinal de desprezo, segundo denuncia a Candidatura do Povo.

Segundo as informaçons da organizaçom compostelana, os elementos infiltrados na manifestaçom eram antidistúrbios, aos que habitualmente vemos agredindo manifestantes (e nom manifestantes) vírom a sua hiprocrisia recriminada por dúzias de pessoas em vários pontos do percurso do protesto. Isso empurrou-nos a se juntarem num grupo fechado até à sua chegada ao Obradoiro.

Pouco tempo conseguírom os policiais enganar o pessoal: já na manifestaçom tivérom que dar a "nota", e nem houvo que esperar à previsível repressom do Dia da Pátria para lembrarmos de que madeira estám feitos. Esta absoluta falta de respeito à cultura e identidade galegas desmonta qualquer  bem intencionado (e ingénuo) argumento a favor do funcionariado dos corpos repressivos espanhóis ou de um fantasioso posicionamento destes do lado do povo.

Foto do Diário Liberdade - Faixas do SUP na manifestaçom em Compostela.