O governo municipal do espanholista direitista Carlos Negreira (PP) demonstra mais umha o vez o seu absoluto desprezo pola cultura e língua galega. É através do caderno de condiçons administrativas regulador do contrato de gestom indireta, via concessom administrativa, da Escola Infantil da Agra do Orçám.
Assim, no dito caderno a referência á língua galega é diretamente eliminada, embora sim é valorizado com até dez pontos, no termo quarto do carderno, um "projeto de aproximaçom à língua inglesa". Qualquer parecido com esnobismo madrileno e pura casualidade.
A situaçom já deu pé às reclamaçons do grupo corunhês do BNG, quem assinalou que as condiçons som contrárias ao artigo 18 do Regulamento Municipal de Escolas Infantis, segundo o qual "o pessoal da escola utilizará nas aulas a língua materna predominante entre os seus menores e considerará a língua dominante na contorna, adoptará as medidas necesarias para adquirirem o conhecimento da outra língua oficial da Galiza de acordo com as suas capacidades neste ciclo” e no seu artigo segundo recolle que “polo menos nas unidades correspondentes aos 2-3 anos, garantir-se-á da parte da concessionária e em colaboraçom com o SME, umha primeira aproximaçom à língua inglesa”. O BNG criticou ainda o aumento de 66 €/ano (5.54%, e 4.26% para as famílias com recursos escassos) das tarifas gerais na rede corunhesa de escolas infantis.
O enéssimo capítulo do romance espanholista do PP na Corunha, que deixa notícias 'simpáticas' e drámaticas em partes iguais.
Foto: PPdeG (CC3.0) - O extremista antigalego Carlos Negreira