De madrugada e com violência, tal como os 'gangsters' mais baixos dos filmes américanos, foi como agiu a polícia espanhola, segundo denuncia a Liga Estudantil Galega. A polícia terá entrado na Biblioteca Municipal de Ourense polas 2:30 h da madrugada, agredindo físicamente as e os estudantes e ocasionando danos materiais na própria biblioteca, além de nos pertences das pessoas presentes
Galiza Nova, Xuventude Comunista, Adiante, a Assembleia da Mocidade Independentista, Liga Comunista Libertaria, 15-M Ourense e Estudantes Sen Futuro, além da LEG, som os coletivos que participárom nesta açom direta.
Na mesma semana em que se injeta dinheiro público na quantidade de milhares de milhons à banca corrupta espanhola, umhas poucas dúzias de estudantes som despejados como se fossem criminais por agirem firmemente contra a privatizaçom do ensino.
O encerro começara no dia 29, no que se aprovara o seguinte comunicado:
A mocidade anticapitalista de Ourense, com o objetivo de expressar a nossa vontade de implantar umha educaçom gratuita e científica, e como resposta às agressons às oportunidades dxs filhxs das massas populares, apostamos na ocupaçom direta dos nossos centros de difusom cultural, como exercício de reivindicaçom do noso direito legítimo de acesso ao conhecimento.
1. Consideramos que a existência de centros educativos privados e religiosos é totalmente antidemocrática e representa um lastre cultural, ademais de ser incongruente com o paradigma científico atual e com a realidade social do momento. Portanto, a única soluçom é a existência exclusiva dumha educaçom universal , gratuíta e democrática.
2. Exigimos umha mudança no modelo educativo na questom de género, que se concrete na nom invisibilizaçom do papel da mulher nos ámbitos histórico, científico e económico. A aboliçom do patriarcado empeça na educaçom.
3. Baseando-nos na certeza de que o imperialismo espanhol tem como principal instrumento o ensino supostamente bilingüe, que é o principal causante da humilhante situaçom de diglóssia, exigimos que todas as matérias agora impartidas em castelám sejam em galego , com o objetivo de chegar ao monolingüismo social em galego.
4. Rejeitamos categóricamente a incursom dos mercados em assuntos educativos, e exigimos a implantaçom dum sistema educativo humanista e ecléctico, destinado à formaçom integral do indivíduo e nom a sua conversom em mercadoria nem à sua deshumanizaçom.
5. Por último, considerando que a importáncia da educaçom é máxima, denunciamos a preponderáncia de gastos secundários (militar, casa real, igreja) sobre ela.
Por isso imos nos encerrar de forma indefinida na Biblioteca Municipal de Ourense, com o fim de que se atendam as nossas reivindicaçons.
Assinamos as seguintes orgnizaçons:
LIGA ESTUDANTIL GALEGA
GALIZA NOVA
XUVENTUDE COMUNISTA
ADIANTE (MOCIDADE REVOLUCIONARIA GALEGA)
AMI (ASSEMBLEIA DA MOCIDADE INDEPENDENTISTA)
LCL (LIGA COMUNISTA LIBERTARIA)
15 -M ASAMBLEA ABERTA OURENSE
ESTUDANTES SEN FUTURO
Saúde e revoluçom!
Hoje (30) concentraçons de apoio
Em protesto pola repressom policial violenta, hoje há convocadas várias concentraçons pola Galiza adiante:
Lugo: às 19.00 à frente de Intercentros
Compostela: ás 19.00 no Toural
Ourense: ás 20.00 à frente da subdelegaçom do governo espanhol.
Foto: LEG - O encerro em Ourense.