Por agora, nom há assomo de saturaçom que rebente a superfície e faga manar todo o caudal de miséria e opressom que se agocha baixo a aparente normalidade do dia a dia. Mas a água continua a cair...

Segundo dados oficiais do espanhol "Instituto Nacional de Estadística", cada dia abandonam Galiza 70 jovens de entre 20 e 34 anos, colheitando a escandalosa cifra de 25.472 nos últimos doze meses. Esta sangria populacional, além de hipotecar o futuro a médio praço do sistema de segurança social no país, indica umha tendência alcista. No mesmo período do ano anterior (outubro de 2010 a outubro de 2011), foram 3.000 jovens menos @s emigrad@s. Curiosamente, cada vez há menos jovens, mas cada vez emigram mais em números absolutos, o qual supom um incremento espetacular em termos relativos.

Precisamente a cíclica história tem situado os destinos da nova emigraçom em sudamérica e centro-europa. Porém, destacam-se também destinos dentro do Estado, sobre todo os mais absorventes de mao de obra.

Ao longo desta nefasta campanha eleitoral as questons relativas com a juventude nom ocupárom apenas espaço nas questons de destaque para as principais candidaturas nem para os meios de comunicaçom burgueses. A falta de organizaçom política da juventude, o escaso ou nulo poder das juventudes das organizaçons políticas atrás das candidaturas, ou a marginalizaçom de temáticas e luitas juvenis como conseqüência do cada vez menor peso como massa votante e a conseqüente priorizaçom eleitoralista doutros assuntos marcárom as últimas semanas.

Enquanto o poder adulto se reparte os escanos, nós continuamos a desangrar-nos sem que isto chame especialmente a atençom.
É necessário pararmos isto. A soluçom: organizaçom e luita juvenis.