1 1 1 1 1 1 1 1 1 1 (0 Votos)

violenciamachistaGaliza - Diário Liberdade - Segundo os dados do Conselho Geral do Poder Judicial espanhol, entre julho e setembro fôrom apresentadas 1.324 denúncias por violência machista na Galiza, das quais 8,53% (113 em total) fôrom finalmente retiradas. 


A maior parte das denúncias fôrom apresentadas pola própria vítima, nomeadamente através de atestado policial. Estes novos dados situam a Galiza cerca das 4.000 denúncias nos últimos nove meses.

Contodo, o número de denúncias registadas desceu 3% respeito do trimestre anterior, enquanto as renúncias ao processo aumentárom na mesma proporçom. Porém, estas variaçons nom som realmente relevantes umha vez que som habituais na estável evoluçom das denúncias desde 2012 e representam umha alteraçom meramente circunstancial com respeito a dados anteriores. Aliás, convém lembrar que as cifras recolhidas polas instituiçons refletem apenas umha mínima parte dos casos reais de violência contra as mulheres, e só no contexto específico do casal.

Por outra parte, foi denegada quase metade (45%) das 335 ordens de proteçom solicitadas no terceiro trimestre do ano, e cerca de 20% dos 126 argüidos por delitos relacionados com a violência machista fôrom absolvidos polo Tribunal Superior de Justiça da Galiza. No caso das medidas cautelares, as ordens de afastamento e a proibiçom da comunicaçom fôrom as mais adotadas, apesar de ter sido demonstrado que nom som suficiente para a proteçom das vítimas.

No conjunto do Estado espanhol, as denúncias registradas neste período ascenderom a 33.201, o que supom mais de 95.000 denúncias em nove meses. Quanto às ordens de proteçom, os Julgados de Violência contra as Mulheres (JVM) rejeitárom 44% das 8.807 petiçons recebidas e os Julgados de Guarda denegárom 32% das 1.497 solicitudes de proteçom. Ademais, os JVM apresentam umha percentagem de absolviçom dos arguidos próxima de 20%, enquanto nos Julgados do Penal as absolviçons superárom 49%.


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.